La ekologia lukto estas anarkia lukto: Relegante Murray Bookchin

La ekologia krizo, kiu minacas nian planedon, ne estas simpla teknika erroro solvebla per « verdaj » impostoj aŭ ŝtataj decretoj. Ĝi estas la mekanika sekvo de sistemo bazita sur la dominado.

Legi Murray Bookchin kaj lian teorion pri la "sociala ekologio" donas al ni, anarkiistoj, esencan kadron por kompreni ke la detruo de la biosfero kaj la subpremo de la homo fontas el la sama radiko: la hierarkio.

Bookchin klare montras ke la ideo pri la « dominado super la naturo » naskiĝis el la reala dominado de la homo fare de la homo — per patriarkeco, la Ŝtato kaj la kapitalismo. La kapitalisma logiko devigas la socion kreski senfine en finia mondo. « Verda kapitalismo » estas Danĝera iluzio: oni ne povas resanigi la ekosistemon sen neniigi la strukturojn de ekspluatado.

Sed la sociala ekologio ne estas nur kritiko; ĝi estas agad-plano. Per la liberecana municipismo, Bookchin proponas reposedigi la politikon ĉe la loka nivelo. Ne temas pri balotado por reprezentantoj en la ŝtata maŝino, sed pri la kreado de senperaj popolaj asembleoj, kie la loĝantoj mem prenas la decidojn. Tiuj komunumoj, federacie unuiĝintaj sen centra potenco, povas rekonstrui harmonian rilaton inter la homaro kaj ĝia medio.

Socio ekologie ekvilibra devas esti socio sen klasoj, sen Ŝtato kaj sen komerca logiko. Ekologio sen anarkiismo restas nur simpla ĝardenado. Estas tempo kunigi la liberecan revolucion kaj la biosferan liberigon..

Por la anarkia komunumo kaj la viva mondo !